تجربة الشاي الاخضر للتخسيس

تجربتة مع الشاي الاخضر للتخسيس

 الشاي الاخضر و ما ادراك ما فائدة الشاي الاخضر , كوب من الشاي مثله مثل الشاي الاسود الذي لا تجد شخص لا يشربه 5 , 6 مرات يوميا مع انه يعرف ضرره و لكن هل تري من يشرب الشاي الاخضر و يداوم عليه رغم معرفته بفوائده الكثيره ! , ان شاء الله في تجربتنا اليوم هنتكلم عن الشاي الاخضر و فوائده الكثير و دوره في عمليه التخسيس .
تجربتة الشاي الاخضر للتخسيس
تجربتة الشاي الاخضر للتخسيس

تجربتي مع الشاي الاخضر للتخسيس :

– بداية معرفتي بالشاي الاخضر كان من استاذي في المدرسه من سنين :) , كان وزنه مرتفع جدا و في خلال شهور قليله وجدت وزنه بقي مثالي , فسألته عن السر في انه تخلص من الوزن الزائد , فقالي ( كل الي بعمله اني قللت اكل و كنت بشرب شاي اخضر ثلاثه مرات يوميا ) , من هنا بدأت اسئل و ابحث عن الشاي الاخضر و اعرف عباره عن ايه و شكله عامل ازاي , روحت لعطاره و سألته عن الشاي الاخضر و اشتريت منه علبه لسا متذكر اسمها ( شاي اخضر المعبد ).
العلبه شكلها كبير و بتقعد وقت كتير بس كانت مشكلتي معاها انه بتضطر انك تصفي الشاي بالمصفاه مع كل مره بتعمل كوب شاي اخضر علشان ورق الشاي الاخضر و طعمه كان بيبقي تقيل و مركز جدااااا بس شاي ممتاز و سعره منخفض .
فضلت بشرب الشاي فتره مش كبيره حوالي اسبوعين و بعد كده زهقت منه و ده بسبب اني مش متعود عليه , بس الي لاحظته في الفتره الي كنت بشرب فيها الشاي الاخضر : اولا معدتي كانت مستريحه جدا جدا و كنت بحس ان انا فريش و خفيف كده و  لاحظت ان بطني انكمشت شويه و سبحان الله في بعض الاوقات كنت بحس كانها مشفوطه للداخل لوحدها .
بعد كده بقي اتعرفت علي الشاي الاخضر ليبتون الفتله من السوبر ماركت و بصراحه كان مريح ليا اكثر مجرد اني بضع الفتله في المج و بصب عليها المياه المغليه و بشرب بدون ما اصفي او حاجه و طعمه كان بيبقي جميل جدا مش مركز طبعا زي شاي المعبد بس ليه تأثير ممتاز .

الطريقه الصحيحه لعمل الشاي الاخضر للتخسيس :

– للاسف في ناس كتير بتعمل الشاي الاخضر بطرق غير صحيحه بتضيع العناصر المفيده الموجوده داخل الشاي الاخضر , افضل طريقه لعمل الشاي الاخضر :
– هتضعي معلقه شاي اخضر او الفتله في الكوبايه .
– هتغلي مياه علي النار او من الغلايه و تصبي المياه المغليه علي الشاي و تغطي الكوبايه لمده 3-5 دقائق و بعد كده تتشرب الهنا و الشفاء :)
واحد هيقولي طيب ما انا احط الشاي مع المياه و اغليها اقوله لا , لان بغليها انت كده هتضيع العناصر المفيده الي داخل الشاي الاخضر و بنغطي الكوب علشان العناصر متتتطايرش خارج الكوب .

فوائد الشاي الاخضر :

بصراحه مش عارف ابدء منين ولا منين :)
– الشاي الاخضر مضاد للاكسده فبيساعد الكبد علي العمل بكامل وقته .
– الشاي الاخضر بيرفع معدل الايض ( حرق السعرات ) بيخليها تعمل مع الرياضه علي مدار اليوم بتحرق .
– الشاي الاخضر بيساهم في تخفيض ضغط الدم مع البردقوش .
– الشاي الاخضر بيقي القلب من الامراض .
– الشاي الاخضر بيقي الجسم من التسمم الغذائي و تكون البكتريا علي جدار المعده .
– الشاي الاخضر مفيد جدا في طرد الغازات من المعده و تحسين القولون .1
– الشاي الاخضر بينظم حركه الامعاء .
– الشاي الاخضر بيساعد في خفض الكولسترول الضار و يساعد في ازاله الترسبات الدهنيه من علي الشرايين .
– الشاي الاخضر بيحافظ علي نضارة البشره كعامل مضاد للاكسده .
والخ والخ والخ من الفوائد الرهيبه للشاي الاخضر .

اضرار الشاي الاخضر :

– اضرار الشاي الاخضر بتتمثل في الاكثار منه , بمعني كل شئ يفضل فيه الاعتدال , يعني احنا لينا 3 كوب شاي اخضر في اليوم , تجد اشخاص تشرب 5 و 6 كوب شاي اخضر في اليوم علي تخيل منهم ان ده افضل ليهم , بالعكس ده خطأ و مضر للجسم .
– يجاب تناول الشاي الاخضر بعد الوجبه بساعه او ساعتين علشان الشاي الاخضر او انواع الشاي عموما بتمنع نسبه امتصاص الحديد في الجسم .
– الشاي الاخضر بيحتوي علي نسبه كافيين ليست بالقليله فيجب عدم الاكثار منه علشان الارق و النوم النسبه قليله و لكن حرصا , فالاعتدال افضل شئ .
– الشاي الاخضر بيطرد نسبه من الكالسيوم عن طريق البول , فلازم معاه يبقي في نسبه كالسيوم جيده بتدخل الجسم يوميا .

الشاي الاخضر و ما ادراك ما فائدة الشاي الاخضر , كوب من الشاي مثله مثل الشاي الاسود الذي لا تجد شخص لا يشربه 5 , 6 مرات يوميا مع انه يعرف ضرره و لكن هل تري من يشرب الشاي الاخضر و يداوم عليه رغم معرفته بفوائده الكثيره ! , ان شاء الله في تجربتنا اليوم هنتكلم عن الشاي الاخضر و فوائده الكثير و دوره في عمليه التخسيس

إرسال تعليق

[blogger]

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget